Siglir tar il cuntegn
cuntegn

Svizra Onur per l'autur Christian Kracht

Ses cudesch «Die Toten» è il cudesch da l'onn 2016 da la Svizra tudestga. Christian Kracht ha pudì prender encunter il premi en il teater da Basilea.

Christian Kracht che ha survegnì il premi per ses cudesch «Die Toten».
Legenda: Christian Kracht che ha survegnì il premi per ses cudesch «Die Toten». Keystone

Il premi è dotà cun 30’000 francs. En ses roman maina Kracht il lectur en il Giapun dals onns 30. In reschissur da films svizzer survegn l'incumbensa dad investiders tudestgs da far in film en il Giapun. In film che duai metter in ischigl a l'imperialissem da cultura american, surtut a quel da Hollywood. Il project na gartegia betg. Tranter auter prenda l'um da contact en il Giapun davent al reschissur sia amia. Lezza na vegn dentant betg ventiraivla cun quest um e fa pli tard suicidi giu da las renumadas letras che scrivan Hollywood sin ina spunda sur Los Angeles.

Il premi per il cudesch svizzer vegn surdà dapli il 2008 da l’uniun «Literaturfestival Basel».

RR novitads 14:00