Siglir tar il cuntegn
Inhalt

Svizra Onn difficil per las cassas da pensiun

La situaziun finanziala da las cassas da pensiun svizras è sa pegiurada l'onn passà. En media han ellas fatg ina rendita da 0,8%.

seniors che fan sport
Legenda: Restar fittas, quai è er la devisa da las cassas da pensiun svizras per ils proxims onns - er sch'i n'è betg simpel. Keystone

Il 2014 hai anc dà renditas da 6,4%. Quai scriva la cumissiun suprema da surveglianza en ses rapport annual.

Il motiv per las renditas pli bassas sajan ils tschains bass e per part negativs sco era che la populaziun vegnia adina pli veglia. L'onn passà saja d'interpretar sco signal d'alarm per ils onns vegnints, ha ditg il president da la cumissiun, Pierre Triponez. I saja da quintar cun tariffas da conversiun pli bassas.

Ord vista da la cumissiun suprema da surveglianza sajan lempermischuns da tschains memia grondas per las tariffas da conversiun il pli grond ristg per las cassas da pensiun. En media èn las empermischuns da tschains tar 3.25%. L'onn avant muntavan quellas a 3.43%.

Popostas concretas co minimar ils ristgs en l'avegnir n'ha Pierre Triponez betg fatg.

RR novitads 14:00