Siglir tar il cuntegn

Header

cuntegn

Svizra Onn da record tar la viafier da la Jungfrau

La viafier da la Jungfrau ha l'onn 2017 fatg in gudogn da 41,6 milliuns francs. Quai è in nov record.

Il 2017 ha la viafier da la Jungfrau pudì augmentar il gudogn per 34,4% ed ha uschia fatg tant gudogn sco anc mai. La svieuta saja creschida per passa 14% sin radund 194 milliuns francs, ha l'interpresa communitgà.

Las bunas cifras engrazia la viafier da la Jungfrau al transport da 1'041'500 persunas sin il Jungfraujoch.

Nova fatscha e buna dividenda

Tar la radunanza generala dals 14 da matg vegni a dar midadas tar il cussegl d'administraziun da la viafier. Bruno Hofweber na vegn betg pli a candidar e duai vegnir remplazzà da Catrina Luchsinger Gähwiler.

Plinavant duain ils acziunaris profitar da las bunas cifras e survegnir 15% dapli dividendas.

RR novitads 10:00

Artitgels legids il pli savens