Siglir tar il cuntegn

Svizra Omosexuals duain dastgar dar sang

Umens omosexuals duain er dastgar dar sang en Svizra a partir dal 2017. L'organisaziun «Donaziun da sang Svizra» vul tschentar ils proxims dis la dumonda tar l'autoritad da surveglianza responsabla Swissmedic. Premissa per la lubientscha è però in'abstinenza sexuala da 12 mais.

ina sora da malsauns pren giu sang d'ina persuna
Legenda: Swissmedic survegn proximamain la dumonda sche umens omosexuals dastgan er dar sang. Keystone

Actualmain na dastgan umens omosexuals betg dar sang pervi dal privel da dar vinavant malsognas, sch'els han gì suenter il 1977 inagiada sex cun in um. L'organisaziun d'omosexuals, Pink Cross vesa quai sco discriminant. Els vegnian taxads pauschalmain sco ristg per la segirezza, uschia Pink Cross. A lunga vista duai sex cun in um betg pli esser in argument per sclauder persunas dal dar sang.

Malgrà ch'il sang da donaziun vegn testà sin malsognas sco HIV u Hepatitis datti per ils pazients in ristg restant da vegnir infectà entras ina transfusiun.

RR novitads 12:00