Siglir tar il cuntegn

Header

cuntegn

Offensiva solara Prest pli simpel da construir implants fotovoltaics

I duai ir spert cun segirar il provediment d'electricitad. Il parlament ha preparà leschas che duain levgiar da bajegiar ovras d'energia solara, per exempel duai daventar obligatoric d'installar implants fotovoltaics sin tetgs cun ina surfatscha da passa 300 meters quadrat.

audio
Per tadlar: curt e cumpact
ord RTR Audio dals 27.09.2022.
laschar ir. Durada: 55 Secundas.

Aut tempo per la fatschenta

Il Cussegl dals chantuns ha eliminà tut las differenzas aifer la fatschenta ch'è vegnida sin maisa a curta vista. El suonda al Cussegl naziunal uschia che la lescha po gia ir en vigur la fin da quest'emna. Lantschà la lescha aveva il Cussegl dals chantuns en connex cun la cuntraproposta indirecta a l'iniziativa da glatschers.

La lescha prevesa mesiras urgentas per segirar a curta vista il provediment d'electricitad durant l'enviern. La Confederaziun vegn a sustegnair finanzialmain projects per ovras d'energia solara. Vinavant èsi necessari d'examinar l'effect sin l'ambient da las ovras. Ovras en biotops da muntada naziunala restan scumandadas.

RTR novitads 12:00

Artitgels legids il pli savens