Siglir tar il cuntegn

Header

cuntegn

Svizra OECD pretenda refurmas da la Svizra

L'Organisaziun da cooperaziun e svilup economic en Europa pretenda ulteriuras refurmas da la Svizra per mantegnair la bainstanza en il pajais.

La Svizra ha surmuntà la crisa economica globala pli spert ch'auters pajais. Quai demussa il nov rapport da l'Organisaziun da cooperaziun e svilup economic en Europa OECD. La Svizra na dastgia dentant betg ruassar sin las arbajas. I dovria refurmas per mantegnair la bainstanza, sco era in'ulteriura avertura da las fieras e dapli concurrenza. Latiers appartegnia era la privatisaziun da la Swisscom. Plinavant duain dunnas surpigliar dapli pensums da lavur pli pretensius.

Il rapport admonescha vinavant che la cumpart da las expensas publicas vegnia a crescher en Svizra perquai ch'adina dapli persunas vegnan adina pli veglias.

En il rapport statti plinavant ch'il standard da vita da pensiunads en ils pajais da l'OECD saja uschè aut sco anc mai. Ma quai vegnia a sa midar.

En blers pajais saja la quota da dischoccupaziun fitg auta, cunzunt tar glieud giuvna. Dischoccupaziun muntia insumma nagins u pli bass pajaments en la cassa da prevenziun da vegliadetgna e la fin finala pli bassas rentas cura che quella glieud giuvna vegnia pensiunada.

RR novitads 16:00

Artitgels legids il pli savens