Siglir tar il cuntegn
Inhalt

Svizra Obligatori da sport en scolas sut squitsch

La Confederaziun planisescha sco i para da schluccar l'obligatori da sport en las scolas popularas.

Uffant che fa gimnastica.
Legenda: En las scolas popularas èn oz trais lecziuns sport per emna obligaziun. Keystone

Paucs onns suenter avair fixà en la lescha in obligatori da sport en las scolas populars duai quai obligatori sco i para puspè vegnir dismess. Quai scriva la NZZ da la dumengia. Il president da las conferenza dals chantuns, Benedikt Würth, ha confermà ils plans.

Per ils chantuns saja l'obligatori dad almain trais lecziuns sport per emna, fixà da la Confederaziun, gia adina stà nunnecessari. E l'instrucziun da sport en las scolas popularas, en ils gimnasis ed en las scolas professiunalas custia ils chantuns var 1,4 milliardas francs.

Benedikt Würth, president da las conferenza dals chantuns.
Legenda: Benedikt Würth, president da las conferenza dals chantuns. Keystone

Plinavant è Würth da l'avis che «la responsabladad tematica e finanziala tutgian ensemen».

Il reglament valaivel tar il sport violescha ferm cunter questa lescha.

Spargnar tar il sport

Alarmà èn percunter politichers da sport en il Cussegl naziunal. Els teman ch'ils chantuns pudessan spargnar en il futur tar il sport, quai sch'il obligatori vegniss stritgà.

L'atun 2018 vegn il Cussegl federal a decider sche in project nov davart ina separaziun d'incumbensas fa senn u betg.

RR novitads 07:00