Siglir tar il cuntegn

Header

cuntegn

Obligatori da certificat Las universitads svizras fan squitsch

A l’universitad da Turitg e a l’ETH da Turitg vala en l’avegnir in obligatori da certificat da Covid. Quai rapporta la gasetta «Tagesanzeiger».

Per la paja na stoppian ins betg pli purtar la mascrina durant las lecziuns, hai num da la vart da l’universitad da Turitg. A l’ETH vala, malgrà il certificat da Covid, vinavant l’obligatori da purtar mascrinas. Sco il «Tagesanzeiger» scriva vinavant han era la scol'auta da Turitg per scienzas applitgadas ZHAW, la scol'auta da Turitg dals arts sco era la scol'auta da pedagogia da Turitg decis in obligatori da certificat. L’associaziun «Swiss Universities» aveva cusseglià quai a las scolas autas.

Las universitads a Turitg n'èn però betg las sulettas ch'han decis in obligatori da certificat. Er ils var 8'000 students e studentas da la scol'auta a Lucerna dastgan be pli entrar cun certificat sin il campus. La scol'auta spezialisada dal Grischun n'ha fin uss anc betg decis sch'ella vul introducir in'obligatori – igl è però er uschia che la regenza dal chantun n'ha anc betg communitgà en chaussa.

RTR novitads 06:00

Artitgels legids il pli savens