In avegnir duai igl esser obligatoric da registrar dronas. Quai vul il Cussegl federal introducir e cusseglia perquai d’approvar ina moziun dal cusseglier naziunal Martin Candinas (PCD). I dettia adina dapli dronas. Uschia creschia er il privel da collisiuns en l’aria, argumentescha Candinas.
Sper l’obligaziun da registrar dronas vul il Cussegl federal l’uschenumnà «U-Space». Quai èn spazis d’aria, nua che dronas astgan sgular e nua ch’ellas astgan vegnir localisadas.
In tal spazi è il servetsch da controlla dal traffic aviatic il mument vid elavurar.
RR novitads 14:00