Siglir tar il cuntegn

Header

cuntegn

Svizra Nus vegnin observads

En il spazi public svizzer èn installadas passa 21’000 cameras da surveglianza. Las cifras vegnan a crescher ils proxims onns, scriva la “Sonntagszeitung”. Che l’acceptanza en la populaziun saja gronda.

14'600 cameras en il traffic public - in trend ch'è per crescher

14’600 cameras han installadas las Viafiers federalas en trens ed in staziuns. La cifra vegn a s’augmentar considerablamain: Ils proxims onns vulan la SBB ed ulteriuras viafiers installar bleras ulteriuras cameras.

Che novs vehichels, ch’els cumprian, sajan equipads tuts cun indrizs da video, citescha la «Sonntagszeitung» a Stefan Kauffmann, pledader da l’uniun da traffic turitgaisa ZVV. Vehichels cun videos sajan oz la purschida da standard dals construiders da vehichels.

Era citads e vischnancas sa munischan

Las citads cun las bleras cameras èn Turitg, Basilea e Genevra - entant che Berna controllescha relativamain pauc cun video.

En bleras vischnancas in vischinanza da citads vulan las autoritads munir er lur spazis publics cun cameras d’observaziun. Quai per areals da scola, plazzas da staziuns o centers da rimnada.

Surveglianza dentant nagin med universal

Las cameras da surveglianza sajan acceptadas fitg tar la populaziun, scriva la «Sonntagszeitung». Ella citescha dentant era experts, ch’admoneschan da na betg sa fidar massa da las cameras da surveglianza. I vegnia bain rapinà u engulà pli pauc or da tastgas, tar delicts da violenza n’hajan las cameras dentant nagina forza preventiva.

RR novitads 10:00

Artitgels legids il pli savens