Bands en garaschas èn il fundament da la scena da musica svizra. Millis amaturs da musica ambiziunads s'inscuntran regularmain per far musica e speran da far la via dal success. Ina da questas bands novas è stà Dabu Fantastic , il link avra en ina nova fanestraavrir en il browserch'ins enconuscha en l'entira Svizra – il pli tard dapi il song «Angelina», il link avra en ina nova fanestraavrir en il browser (qua era en rumantsch).
Dabu Fantastic ha però fatg ina lunga via fin là. Il 2006 è la band sa registrada tar la plattafurma da musica svizra Mx3.ch, il link avra en ina nova fanestraavrir en il browser. Oz datti là passa 24'000 bands. Pia in stgazi da datas davart la cuntrada da musica svizra. SRF Data ha evaluà questas datas e preschentà invistas interessantas en la scena dals uschenumnads «newcomers».
Nua datti las pli bleras bands
En cifras absolutas èsi il chantun Turitg cun passa 3000 bands. Quai suandà dals chantuns Berna, Vad e Genevra. Sch'ins resguarda però era il dumber da la populaziun, lura mida quai. Lura èsi ils chantuns Basilea-Citad e Genevra che mainan cun trais enfin quatter bands pro 1000 abitants.
In plaschair per Tobit Schäfer, manader da l'uniun per la promoziun da rock en la regiun Basilea, e deputà socialdemocrat en il Cussegl grond. El relativescha però: «Bleras bands inditgeschan mo ch'i vegnian da la citad.» Questas sperian uschia da crear attenziun tar la scena culturala locala. Perquai è Schäfer surprais ch'il chantun vischin, Basilea-Champagna, haja tenor Mx3.ch uschè paucas bands pro 1000 abitants. Là dettia quai numnadamain bleras furmaziuns da rock e hip-hop.
En la Svizra dal vest ed en il Tessin datti era bleras bands. Auter però en la Svizra Centrala: En il chantun Uri datti per exempel stgars ina band pro 1000 abitants.
Dapli daners = Dapli bands?
Tenor l'evaluaziun da SRF Data datti dapli bands là, nua che promoziun da cultura è pli auta. Tant Basilea-Citad sco era Genevra dattan en egl, perquai ch'els han autas expensas per la cultura. Cunquai che omadus sajan chantuns e gist citads, saja quai però grev da cumparegliar quels cun tut tschels chantuns.
Nua è hip-hop il pli popular?
En la scena da las bands novas datti cler dapli bands da rock. Populars èn però era auters genres sco pop e hip-hop. Las datas da Mx3.ch sajan però surtut adattadas per il genre da pop. Las pli bleras bands inditgeschian da vulair cumparair en il radio. Auters genres – sco per exempel il jazz – na sajan betg represchentadas uschè bain, di Tobit Schäfer.
Fazit: Il success da tschertas bands na pon ins betg attribuir sulet a la promoziun da cultura da tscherts chantuns ubain tschertas citads. Ils experts na pon betg confermar questa pretensiun. Cler è tenor Dabu Bucher da Dabu Fantastic però: Bleras – sche betg las pli bleras – bands svizras dependan da daners da promoziun.