Il fabricant da trens franzos Alstom recloma tar il Tribunal administrativ federal cunter l'empustaziun da trens tar Stadler Rail. Las Viafiers federalas avevan empustà 286 trens tar la firma svizra per remplazzar tranter 2025 e 2034 trens en il Vallais e dal «Thurbo» en la Svizra orientala. L'empustaziun ha ina valur da radund 2 milliardas francs.
La SBB communitgescha ch'ella haja resguardà las directivas dal dretg da las acquisiziuns publicas. Stadler Rail haja ademplì ils criteris da la publicaziun il meglier e perquai survegnì l'incumbensa. Stadler Rail prenda enconuschientscha da la reclamaziun e deplorescha ch'il process d'empustaziun sa prolunghescha.
