Siglir tar il cuntegn

Header

cuntegn

Svizra Novs derschaders per il cas Adeline

Il cas da dretgira Adeline ha stuì vegnir cumenzà anc ina giada da l'entschatta. La damaun marvegl ha cumenzà il segund process cunter l'assassin suspectà da la terapeuta sociala Adeline. Ils derschaders ch'eran involvids enfin uss han stuì prender recusaziun perquai ch'els eran preoccupads.

L'um da 42 onns è accusa pervi da murdraretsch, privaziun da la libertad, act sfurzà sexual ed enguladitsch. L'accusà ristga dad ir en praschun per vita duranta. La discussiun davart il cas ha manà tar quai che tut ils set derschaders han stuì prender recusaziun perquai ch'els eran preoccupads.

L'accusà che ha il pass svizzer ed il franzos, n'aveva betg snegà en l'emprim process d'avair mazzà la dunna da 34 onns ils 12 da settember 2013. Ils psicologs che han gì d'examinar l'um hajan lura constatà ina gronda ristga che l'um pudess puspè mazzar insatgi. Ils psicologs franzos han dentant betg vulì far prognosas davart il sa cuntegnair da l'um en futur.

Punct problematic: Internament a vita duranta

Ils derschaders èn para betg stads uschè cuntents cun quests resultats dals psicologs. Els han ordinà ina terza expertisa. Al defensur n'ha quai betg plaschì e quel ha lura argumentà ch'ils derschaders sajan preoccupads. Per pudair internar insatgi per vita duranta dovri almain duas expertisas independentas che vegnan tar il medem resultat.

RR novitads 09:00

Artitgels legids il pli savens