Siglir tar il cuntegn

Header

audio
Cussegl federal ha annunzià reglas pli severas
Or da Actualitad dals 19.10.2020.
laschar ir. Durada: 3 minutas 37 Secundas.
cuntegn

Novas mesiras severas Obligatori da mascra schlargià

En il cumbat cunter corona augmenta il Cussegl federal las mesiras per l'entira Svizra. Quai ha il gremi decidì la dumengia a chaschun d'ina seduta extraordinaria. Las novas mesiras valan dapi mesanotg.

La presidenta da la Confederaziun Simonetta Sommaruga e cusseglier federal Alain Berset han infurmà dumengia ils 18 d'october a Berna: Las impurtantas mesiras che valan a partir dals 19 d'october per l'entira Svizra:

survista mesiras da BAG
Legenda: RTR Grafica
survista mesiras BAG
Legenda: RTR Grafica

Adina cura ch'i n'è betg pussibel da tegnair 1,5m distanza cusseglia l'Uffizi federal da sanadad da purtar ina mascra.

Ensemen cun ils chantuns e l'economia

Sco cussegliera federala Simonetta Sommaruga ha declerà, dovria uss questas reglas per quietar il stirim. Il Cussegl federal haja discutà ils novs pass ensemen cun ils chantuns e cun l'economia. E sin ina dumonda d'in schurnalist ha la cussegliera federala ditg, ch'els sajan sapientivamain sa decidids per mesiras che sajan anc moderadas.

Mintga chantun possia era decider mesiras anc pli severas, per exempel per occurrenzas grondas, ha Simonetta Sommaruga aschuntà.

Jau sun persvadida che la populaziun ha chapientscha per quai.
Autur: Simonetta Sommaruga presidenta da la Confederaziun
video
Simonetta Sommaruga: «Bun per la sanadad, ed era per l'economia »
Or da News-Clip dals 18.10.2020.
laschar ir. Durada: 1 minuta 20 Secundas.

Restar mudest ed avair respect

Sco il minister da sanadad Alain Berset ha ditg, sa sviluppeschia la situaziun a moda rasanta. Mintga di dettia dapli novas infecziuns, la segunda unda stettia avant l'esch. Dentant sajan las capacitads en ils ospitals anc qua.

Agiuntà ha il cusseglier federal, che la populaziun stoppia cooperar. Festas da famiglia duain ins spustar per temps pli agreabels. Vitiers ha Alain Berset appellà da nizzegiar la covid-app.

video
Alain Berset: «Era ils patruns han interess da lavurers sauns»
Or da News-Clip dals 18.10.2020.
laschar ir. Durada: 1 minuta 3 Secundas.

RTR novitads 15:00

Artitgels legids il pli savens