Siglir tar il cuntegn

Header

cuntegn

Svizra Novartis venda cumpart per 13 milliardas dollars

Il concern da farmazia sa separa da l'interpresa GlaxoSmithKline che venda medicaments che na dovran nagin recept.

Novartis venda sia participaziun a l'interpresa communabla GlaxoSmithKline per 13 milliardas dollars. Novartis veglia sa focussar sin sia fatschenta principala. Quai communitgescha il concern da farmazia svizzer.

L'interpresa communabla GlaxoSmithKline è in'interpresa per medicaments che na dovran nagin recept. Novartis ha ina participaziun da 36,5%. Cun ils daners ord la vendita veglia Novartis far autras cumpras.

GlaxoSmithKline e Novartis avevan fundà l’interpresa communabla l’onn 2015. Tranter auter distribuescha quella pasta da dents, il gel cunter dolur Voltaren ed er il spray da nas Otrivin. Per Novartis fiss scadì la fin da mars l’opziun da vender sia cumpart al partenari.

RR novitads 08:00

Artitgels legids il pli savens