Siglir tar il cuntegn

Header

Navigaziun

La sedia da Novartis a Basilea.
Legenda: La sedia da Novartis a Basilea. Reuters
cuntegn

Svizra Novartis cun in zic damain gudogn e svieuta il 2016

L’onn da fatschenta passà ha il concern da farmazia manchentà be per pauc il resultat da l’onn 2015.

La svieuta è sa reducida per 2% sin 48,5 milliardas dollars. Il gudogn e sa reducì per 6% sin 11,3 milliardas dollars. Quai ha communitgà il concern svizzer la mesemna.

Sco raschun per quest resultat numna il concern ils custs d'introducir il medicament dal cor «Entresto» e perditas tar l'impurtant medicament cunter cancer dal sang «Glivec».

Il resultat dal 2016 correspunda a las spetgas dals analists. Malgrà ch'il gudogn è sa reducì levet, duajan ils acziunaris survegnir ina dividenda da 2,75 francs per aczia. Pliavant vul Novartis cumprar enavos atgnas aczias ed uschia dar enavos als acziunaris tschintg milliardas dollars.

Tenor il schef dal concern Joseph Jimenez èn las prognosas per l'onn current positivas. La strategia saja vinavant da crescher sin ils differents martgads e d'acquirir ulteriuras interpresas.

RR novitads 08:00