Siglir tar il cuntegn

Header

Scienzià.
Legenda: L’epidemiolog Marcel Salathé banduna la Task Force scientifica da Covid da la Confederaziun (archiv). Keystone
cuntegn

Nova sfida professiunala Marcel Salathé banduna Task Force

L’epidemiolog Marcel Salathé banduna la Task Force scientifica da Covid da la Confederaziun. Sco Salathé ha ditg envers la «Sonntagszeitung», haja el vesì durant la pandemia quant sutsviluppada la Svizra saja en dumondas da la digitalisaziun. Per quest motiv veglia el en l’avegnir sa deditgar ad in’organisaziun nov-fundada. Quella duaja promover la tecnologia en la politica e l’administraziun. Quai cunzunt en vista a crisas futuras. L’organisaziun cun il num «CH+ +» duaja esser politicamain, ideologicamain e finanzialmain independenta.

Salathé ha dentant suttastritgà ch’el saja adina stà cuntent en la Task Force. Durant sia lavur sco cussegliader ha el adina puspè crititgà la politica e l’administraziun en Svizra.

Suenter Christian Althaus e Marcel Tanner è Marcel Salathé gia il terz scienzià che banduna la Task Force scientifica da Covid da la Confederaziun.

Ord l'archiv

video
Salathé davart la situaziun epidemiologica
Or da 10 vor 10 dals 08.10.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga