Siglir tar il cuntegn

Svizra Nova schliaziun per reglar l'admissiun da medis

Il Cussegl federal propona ina nova schliaziun per reglar cura che medis dastgan lavurar sin quint da l'assicuranza da basa. D'ina vart vul el augmentar las pretensiuns minimalas tar la scolaziun e qualificaziun e da l’autra vart duajan ils chantuns survegnir dapli cumpetenzas.

Ina media ed in pazient.
Legenda: Nova schliaziun per schliar il stop d'admissiun da medis. Keystone

Las pretensiuns pli autas areguard la scolaziun e las cumpetenzas da linguatg per miedis spezialisads vegnan gia l’onn che vegn ad entrar en vigur. Uschia vegnia la qualitad da las prestaziuns medicinalas augmentada, scriva il Cussegl federal. Er amplifitgadas vegnan las normas da qualitad. Quellas duajan esser liantas per tut las medias ed ils medis spezialisads che vulan laschar quintar prestaziuns sur l’assicurranza da basa. Uschia ston ils medis sa participar a programs per megliurar las prestaziuns sco era esser pronts da surdar datas.

Dapli cumpetenzas per ils chantuns

Ultra da quai vul il Cussegl federal surdar cumpetenzas supplementaras als chantuns. Uschia duajan lez decider quantas medias e medis spezialisads che survegnan ina permissiun da pratitgar. Qua duai era la cumpart dal temp da lavur vegnir resguardada, perquai ch’adina dapli medis lavuran parzialmain, scriva il Cussegl federal. Las reglas novas duajan remplazzar il stop d’admissiun per medis la stad 2019. Gia avant aveva il Cussegl federal refusà l’obligaziun da far in contract sco era tariffas differenziadas.

RR actualitad 17:00