Siglir tar il cuntegn
Inhalt

Svizra Nova proposta per «project da taglia 17»

La cumissiun d'economia dal cussegl dals chantuns ha ina nova proposta per la refurma da l'imposiziun da taglia sin interpresas 17. Empè d'auzar ils supplements per uffants, propona ella ina gulivaziun sociala sur l'AVS.

Administraziun da taglia.
Legenda: Project da taglia 17: In franc spargnà tras la taglia munta in franc supplementar per la AVS. Keystone

La cumissiun d'economia dal Cussegl dals chantuns fa grondas midadas vid il project da taglia 17. Las perditas da taglia pervia da la refurma vul ella cumpensar via l'AVS e betg cun augmentar ils supplements minimals per uffants per 30 francs sco quai ch'il Cussegl federal propona. Tenor il president da la cumissiun, il cristiandemocrat Pirmin Bischof, dovria bain ina cumpensaziun, l'augment dals supplements per uffants saja dentant memia pauc effectiv. Blers chantuns hajan gia oz supplements per uffants ch’èn pli auts che las prescripziuns minimalas. E da l’autra vart possian mo famiglias cun uffants profitar, quai saja dentant ina minoritad da la populaziun svizra. La cumpensaziun via l’AVS pertutgia tuts.

Concret propona la cumissiun il suandant: Mintga franc da taglia che va a perder cun l'imposiziun da taglia 17, a Confederaziun, chantuns e vischnanca, duai vegnir remplazzà cun in franc en la finanziaziun da l'AVS.

RR novitads 12:00+