Siglir tar il cuntegn
cuntegn

Svizra Nova ovra idraulica al lago Ritom

Ils gestiunaris dal lai da fermada Ritom en il chantun Tessin han inoltrà ina dumonda da construcziun per ina nova ovra idraulica. Quella duai remplazzar l’ovra existenta ord da l’onn 1917 ch’era vegnì construì da la Viafier federala.

Cun l'aua dal lai da Ritom vegn per gronda part producì energia per la Viafier federala.
Legenda: Cun l'aua dal lai da Ritom vegn per gronda part producì energia per la Viafier federala. Keystone

Previs è da construir duas novas turbinas che prestan mintgamai 60 uras megawatts, scrivan ils gestiunaris. La societad Ritom appartegn per 75% a la Viafier federala e per 25% al chantun Tessin. Il current electric producì duai alura era vegnì duvrà per la gronda part da la viafier. Uschia po la SBB cuvrir ils basegns d’energia che vegnan anc a crescher fin il 2030.

Rait da viafier en il Tessin pudess funcziunar autonom

Era pudess la rait da viafier en il chantun Tessin vegnir manada independentamain, quai che fiss surtut d’avantatg tar pannas en il tunnel da basa dal Gottard, scriva la societad gestiunara. Era duai anc dar ina pumpa da 60 megawatts per pudair pumpar aua dal lai d’Airolo en il lai da Ritom.

RR novitads 18:00