Nova furma da convivenza

Pèrins en Svizra pon forsa bainbaud segirar lur partenadi a moda giuridica, quai dentant senza maridar e senza partenadi registrà. En in rapport concernent il dretg da famiglias ha il Cussegl federal mess en discussiun quai.

dus mauns tegnan in l'auter

Legenda da maletgs: In contract da convivenza senza maridar e senza partenadi registrà. Reuters

«Pacte civil de solidarité» sa numnass il contract per quella nova furma da convivenza. Quel pussibilitass a pèrins da reglar il partenadi giuridicamain. Quella cunvegna segirass cunzunt il sustegn finanzial vicendaivel u era il sustegn tar malsognas. En Frantscha exista dapi bun 15 onns ina sumeglianta cunvegna, 4 da 10 pèrins elegian oz en Frantscha quella pussaivladad da sa liar.

RR novitads 17:00