Las trais partidas han communitgà, ch'ellas veglian unir las forzas per chattar soluziuns solidas per ils problems ils pli urgents.
Cun 31 commembers en il Cussegl naziunal fiss questa fracziun la terz ferma, davos la PPS e la PS. Quants commembers che l'entira gruppa da PCD, PBD e PEV ha la finala, è cler pir suenter ils 24 da november, suenter ils segunds scrutinis per il Cussegl dals chantuns.
La PEV tutgava gia en la legislatura passada a la fracziun da la PCD – entant che la PBD furmava in’atgna fracziun. Cun perder quatter sezs n’ha la PBD uss dentant betg pli la paisa da fracziun. Per in’atgna fracziun dovri almain tschintg commembers.
Formalmain sto la fracziun actuala da la PCD anc sustegnair la cunvegna. E lura dovri anc l’approvaziun tras la conferenza da coordinaziun dal parlament.
RR novitads 20:00