Siglir tar il cuntegn
Inhalt

Svizra Nova direcziun per l'ultima etappa

Suenter la demissiun da CEO Renzo Simoni reducescha la Ceneri la Alp Transit SA sia direcziun. Il schef da dretg Dieter Schwank surpiglia las incumbensas sco manader da fatschenta e vegn probabel ad esser il davos chef da la interpresa.

dus tunnels
Legenda: Nova direcziun per l'ultima etappa: Dieter Schwank surpiglia per la finiziun dal tunnel dal Ceneri fin 2020 las incumbensas dal CEO. Keystone

La constructura dal tunnel dal Ceneri la Alp Transit SA reducescha sia direcziun. Uss surpiglia il schef da dretg actual Dieter Schwank las incumbensas sco manader da fatschenta, quai scriva la Alp Transit.

Il davos directur da la Alp Transit SA

El surpiglia la funcziun da Renzo Simoni ch’era sa retratgs sin la fin dal onn 2016. Sco la Viafier federala la possessura da l’Alp Transit scriva, vegna Schwank a terminar uschia l’ultima etappa da la transversala da viafier tras las alps. Il tunnel dal Ceneri duai vegnir averts il 2020.

Renzo Simoni cun chapellina
Legenda: Il penultim chef: Renzo Simoni ha dismess la plazza sco CEO sin fin 2016. Keystone

L'elecziun da Schwank po era esser in segn per la renaturalisaziun tar la Alp Transit SA, scriva la NZZ. Pendent è mo anc la finiziun dal tunnel dal Ceneri. Lura pudess la SA vegnida schliada si. La Alp Transit SA era vegnida fundada sco patruna da las novas transversalas da viafier al Gottard. Dieter Schwank vegn pervia da quai ad esser il davos directur da la firma.

RR novitads 09:00