En il sboz per la concessiun pretenda la Confederaziun tranter auter da la SRG da sa differenziar pli fitg da purschiders da medias privats. Plinavant duaja la SRG rinforzar sias funcziuns d'integraziun e s'avrir pli fitg per funcziuns politicas ubain da la societad.
Mesadad da las entradas per infurmaziun
En l'avegnir sto la SRG investir almain la mesadad da las entradas da taxas en l'infurmaziun. Quai fa ella gia uss. Da nov fiss quai dentant fixà en la concessiun. Tematicamain pertutga la nova concessiun cunzunt emissiuns da divertiment: Emissiuns dals differents geners duajan vegnir emessas ed i duaja dar producziuns atgnas. Tar cuntegns da ficziun duai la SRG collavurar cun purschiders privats.
La nova concessiun perdess dentant la valur, sche l'iniziativa da No-Billag vegn approvada ils 4 da mars. Il termin da consultaziun è ils 12 d'avrigl 2018.