Nov studi da la Confederaziun - Dunnas migrantas scoladas meglier che Svizras
Dunnas migrantas han per regla ina meglra scolaziun che Svizras. Quai demussa in rapport da la cumissiun federala per migraziun. Proporziunalmain han ellas pli savens terminà in studi universitar. Er sajan dapli dunnas estras che dunnas svizras en posiziuns da cader.
Tenor la cumissiun na chattian dunnas estras dentant era savens betg ina plazza che correspundia a lur qualificaziun. Il rapport argumentescha che las migrantas sajan savens confruntadas cun pli gronds obstachels che las autras dunnas. Pia ch'i vegnian discriminadas pervi da lur derivanza e lur gender.
Bleras lavurian perquai, malgrà meglra qualificaziun, en la tgira.