Siglir tar il cuntegn
Inhalt

Svizra Nov stan maximal da persunas che lavuran en la Svizra

En Svizra è s'augmentà il dumber da persunas cun activitad da gudogn en il segund quartal per 1,6% sin 5 milliuns persunas. Quai resulta da la dumbraziun da l'Uffizi federal da statistica.

Munaidas svizzras en ina cassa.
Legenda: Munaidas svizzras en ina cassa. Keystone

Cumpareglià cun il segund quartal 2015 è il dumber da persunas cun activitad da gudogn s'augmentà tar persunas estras per 2,7%, per il dubel pli fitg che tar persunas svizras. La fin da zercladur da quest onn ha l'Uffizi da statistica registrà 1,5 milliuns persunas estras e 3,5 milliuns persunas svizras cun activitad da gudogn. Tar umens e dunnas hai dà naginas grondas differenzas.

La Svizra en cumparegliaziun cun l'UE

Fertant ch'il dumber da persunas senza lavur u senza activitad da gudogn è creschì en Svizra per 0,1% è quest dumber sa sminuì en l'UE per bunamain 1%. Areguard la dischoccupaziun da giuvenils ha la Svizra vinavant la pli bassa quota.

RR novitads 12:00