Il concern da tecnologia da telecommunicaziun Ascom survegn in nov schef: Holger Cordes ha 47 onns ed era fin qua occupà tar l’interpresa americana «Cerner Group» ch’offrescha tecnica d’infurmaziun per il sectur da sanadad.
Il Tudestg Cordes succeda a Fritz Mumenthaler che banduna l’interpresa suenter 5 onns a la testa. Mumenthaler veglia chattar ina nova sfida professiunala, communitgescha Ascom.
En sia communicaziun ha Ascom suttastritgà l’experientscha da Cordes en la branscha. En l’avegnir veglia il concern svizzer sa concentrar sin la tecnica d’infurmaziun per il sectur da sanadad. Il nov schef Cordes vegn probablamain a surpigliar ses nov post il zercladur 2016.
RR novitads 08:00