Curt e concis:
- La damaun è l’index creschì sin la marca da record da 9'550 puncts.
- Il motiv per il trend positiv èn ils martgads da l'exteriur.
- Il record da fin uss era dals 4 da zercladur 2007 cun 9'548 puncts.
Ils 30 da zercladur 1988 era l’index principal SMI vegnì lantschà cun 1'500 puncts. En quel èn cumpigliads ils 20 titels ils pli liquids e chapitalisads en Svizra. Il minus da record ha l’index cuntanschì ils 15 da schaner 1991 cun 1'279 puncts. La chapitalisaziun da l'index munta tenor l’agentura da novitads reuters a 1,16 billiuns francs.
Era ils dus auters index cun record
L’index SPI sco era l’index Swiss Leader Index han medemamain nudà il venderdi in nov aut da record.
RR novitads 10:00