Siglir tar il cuntegn
Inhalt

Svizra Nov record da pacs per la Posta Svizra

La Posta Svizra ha era quest onn distribuì milliuns da pacs las emnas avant Nadal. En tut ha ella furnì passa 18 milliuns pacs tranter il prim da december e Nadal. Quai è danovamain in record, communitgescha la posta.

Pacs vegnan assortids en in center da la posta.
Legenda: Ils dis da record furnescha la posta circa il dubel pacs d'in di da lavur normal. Keystone

L'emna avant Nadal hajan ils centers da pachets assortì bunamain mintga di passa in milliun pacs en ils centers a Daillens VD, ,Frauenfeld TG e Härkingen SO.

Malgrà SMS, e-mail e raits socialas han ils pots era puspè gì da purtar dapli brevs avant Nadal. Durant tscherts dis ha la Posta distribuì fin 20 milliuns brevs. Durant l'entir onn 2015 ha la posta dustribuì passa 2 milliardas brevs adressadas.

2 x Nadal

Il culm da pacs vegn a crescher vinavant: per la 19avla giada sustegna la posta l’acziun «2 x Nadal». Fin ils 9 da schaner pon ins dar giu pacs da donaziun per persunas basegnusas. La posta spedescha gratuitamain vinavant ils pacs a la Crusch Cotschna.

RR novitads 12:00