Christian Hofer, che ha 47 onns, è stà vicedirectur da l'Uffizi federal d’agricultura UFAG dal 2009 fin il 2017. Hofer surpiglia sia nova funcziun l’entschatta da december. Sco il Departament d’economia, furmaziun e perscrutaziun scriva, era el là responsabel per ils pajaments directs ed il svilup rural. Dapi il 2018 ha Hofer lura manà l'Uffizi bernais d'agricultura e natira. En tut han 28 persunas candidà per il post.
Politica agrara sco gronda sfida
Sin Christian Hofer spetga la gronda sfida d'accumpagnar la nova politica agrara 2022. Quella duai il parlament tractar fin il mars 2021.
RR novitads 15:00