Siglir tar il cuntegn
cuntegn

Svizra Nov contract collectiv per industria da maschinas

Ils partenaris socials da l'industria da maschinas, electro e metal èn sa cunvegnids ad in nov contract collectiv da lavur. Dian tut las partidas gea, po quel ir en vigur l'auter mais.

collavuratur durant la motascha d'ina part gronda d'in motor en ina halla da fabrica
Legenda: Il nov contract collectiv empermetta meglras cundiziuns da lavur en l'industria da maschinas, electro e metal. Keystone

Cun il nov contract collectiv daventia quai pli simpel da cumbinar famiglia e professiun per ils emploiads, uschia hai num en la communicaziun da l'organisaziun dals lavurants. Plinavant hajan ins pudì evitar in augment dal temp da lavur sin 42 uras.

En pli gioghia il tema furmaziun supplementara ina rolla centrala. Quai duai gidar da cumbatter la mancanza da persunas dal fatg. Er fixà en il nov contract collectiv saja per l'emprima giada la controlla da las pajas minimalas, la gulivaziun da la chareschia e la promoziun da las dunnas.

RR novitads 11.00