Il concern dad ieli Transocean cun sedia en il chantun Zug ha in nov schef. Dus mais suenter che l'anteriur schef aveva bandunà a moda abrupta il concern Transocean duai Jeremy Thigpen daventar CEO e president. Quai communitgescha l'interpresa.
Jeremy Thigpen è stà fin ussa schef da finanzas da la firma americana National Oilwell Varco, ina firma che presta medemamain servetschs en l'industria dad ieli.
Transocean patescha actualmain dal pretsch d'ieli tschessà ed ha fatg l'onn passà ins perdita dad 1,9 milliardas dollars.
