La cussegliera federala Simonetta Sommaruga è s'inscuntrada a Novazzano cun la regenza tessinaisa per discutar ils plans. Era preschents eran ils cussegliers naziunals dal Tessin, il secretari statal per migraziun Mario Gattiker ed ils presidents da las vischnancas pertutgadas.
Vischnanca betg intgantada
25 lieus hajan ils responsabels examinà, ed uss sajan els dischillus ch’auters lieus na vegnian betg en dumonda, ha ditg il president da la vischnanca da Balerna. Sia vischnanca haja giavischà ch’in eventual center d’asil haja avunda distanza dals quartiers d’abitar. La voluntad d’acceptar fugitivs ord raschuns umanitaras saja dentant en mintga cas avant maun.
Remplazza center a Chiasso
Il nov center federal d’asil duai vegnir sin in terren da 1,3 hectaras ch'è actualmain en possess da l'SBB. Il center da Chiasso vegn bandunà pass per pass ils proxims onns.
RR novitads 15:00