Siglir tar il cuntegn

Header

cuntegn

Svizra Nizzegiar dapli lain era senza novas leschas

En ils guauds svizzers crescha pli bler lain che quai che vegn duvrà. Il material indigen, regenerabel e favuraivel al clima vegn uschia betg nizzegià a moda optimala. Il Cussegl federal ha perquai approvà in rapport che prevesa da nizzegiar dapli lain.

Il mument vegn sulet radund 70% dal lain che crescha suenter nizzegià - e quai malgrà che lain haja blers avantatgs. El è disponibel regiunal, schanegia il clima e procura per plazzas da lavur. Ina da las consequenzas negativas ch'i vegn duvrà memia pauc lain è guauds stgirs e spess ch’èn betg stabils.

Cun derscher plantas vegni stgaffì plaz, las plantas che restan han dapli glisch e vegnan uschè pli fermas e stabilas. Sper quai datti lura dapli animals e plantas raras ch’han gugent il chaud. Il rapport ch'il Cussegl federal ha approvà mussa cun tge mesiras che quai sa vegnir optimà. Per exempel cun bajegiar ora vias da guaud.

RR novitads 12:00

Artitgels legids il pli savens