Siglir tar il cuntegn
cuntegn

Svizra «Nez Rouge» ha marcà nov record

Il servetsch da taxi voluntari Nez Rouge ha nudà sur ils dis da festa in record. Ils voluntaris han fatg passa 15milli viadis - in augment da 4 pertschient cumpareglià cun l'onn avant.

Purtret d'in auto da Nez Rouge.
Legenda: Ils «Nas cotschens» èn voluntaris e guardan ch'ins vegn sin via segira a chasa. Keystone

Ils automobilists voluntaris han charrà a chasa da quai da 31'700 persunas. Sco l'organisaziun Nez Rouge rapporta èn 9'300 voluntaris stads en acziun. Quai en 6% dapli voluntaris. Cun ils 15'300 viadis ch'els han fatg è quai in augment da 4% tar ils viadis.

La finamira da Nez Rouge è da reducir accidents da traffic che vegnan chaschunads da glieud alcoholisada. Persunas ch'èn alcoholisadas pon dar la clav al manischunz da «Nez Rouge» e quel maina lura els segiramain a chasa.

RR novitads 17:00