Neuchâtel duai reponderar la nova lescha da pajas

A Neuchâtel han var 200 funcziunaris e scolasts protestà gievgia saira cunter la nova politica da paja dal chantun. Els vulan che la regenza revocheschia il nov model da paja e negozieschia da nov. Il nov model duai valair davent dal 2017 ed eliminar ingiustias tar il svilup da la paja.

Ina fulla da glieud che stat sin in plaz per protestar.

Legenda da maletgs: Ils scolasts ed ils emploiads dal chantun protesteschan cunter la nova lescha da pajas. Keystone

Las uniuns dal persunal crititgeschan dentant la nova lescha da pajas dal chantun. La gronda part dals emploiads vegnia dischavantagiada. Las pajas bassas vegnian para a la curta durant che las classas autas profiteschian.

La malcuntentientscha da la glieud era anc creschida cura che la regenza aveva annunzià ch'il chantun spetgia in deficit da 74 milliuns francs. Ord quai motiv van las uniuns dal persunal da quai anora ch'il budget dal 2017 vegnia accumpagnà dad in program da sanaziun che pertutgia lura il sectur public.

RR novitads 07:00