Siglir tar il cuntegn
Inhalt

Svizra Nescafé è la marca la pli custaivla en Svizra

La nova glista da rangaziun dal magazin «Bilanz» e la firma «Interbrand» dat bunas notas a Nescafé. Sin posiziun dus è la marca dal concern da mangiativas Nestlé. Ed er Nespresso fa il pass en ils top diesch.

Trais scadiolas cun en pulvra da Nescafé e davostiers dus magiels da café da Nescafé gold
Legenda: Nescafé è la marca la pli custaivla en Svizra Keystone

Nescafé ha schizunt pudì augmentar per 7% sia valur sco marca. Ella vala il mument 11,4 milliardas francs. La marca tetgala da Nescafé, Nestlé ha augmentà sia valur sin stgars 8 milliardas francs. Il motiv per quest success vesa Interbrand en la strategia dal concern da sa concentrar sin marcas da success e da sa distatgar da marcas che n'han betg success.

Sin il terz plaz da questa glista da rangaziun è la marca dad uras Rolex che vala tenor la glista 7,4 milliardas francs. Sin posiziun 4 è Swisscom cun 5 milliardas francs.

Per far questa rangaziun vegn resguardà la forza finanziala, la muntada per la decisiun da cumpra ed ils gudogns spetgads per il possessur da la marca.

RR novitads 14:00