Siglir tar il cuntegn
Inhalt

Svizra NEAT custa 300 milliuns francs pli pauc

Ils custs per la nova transversala da viafier tras las alps NEAT custa pli pauc che planisà, pervi che las lavurs èn sviluppadas bain possian ins spargnar 300 milliuns francs. Quai scriva il departament federal da traffic en ses rapport 2014 davart il stan da las lavurs.

binaris da viafier sper l'autostrada, l'entschatta dal tunnel da basa dal Gottard
Legenda: L'access al tunnel da basa a Bodio, (fotografia da l'october 2013) Keystone

Per la fin 2014 quinta l'uffizi ussa cun custs totals da 18,2 milliardas francs (stan da pretschs dal 1998). Sch'ins prenda il nivel da pretschs actual e cun integrar la taglia sin la plivalur e tschains da construcziun è la prognosa da custs sin 23 fin 23,5 milliardas francs. Il tunnel da basa dal Gotthard duai ir en funcziun il december 2016, il tunnel da basa dal Ceneri il december 2019.

RR novitads 11:30