En l'avegnir duai ina cumissiun independenta gidar ad elavurar cas dad art spoglià u engulà durant il temp dal naziunalsocialissem. Il Cussegl dals chantuns ha acceptà ina moziun da cusseglier naziunal Jon Pult (PS).
La cumissiun saja necessaria pervia dad ovras d'art sco per exempel en il museum d'art a Turitg. Là han ovras d'art ord la fundaziun d'Emil Bührle, in industrial che ha fatg fatschentas cun ils nazis, chaschunà discussiuns.
La cumissiun duai recumandar schliaziuns gistas e fairas en cas d'art spoglià u engulà. Il Cussegl dals chantuns ha dentant stritgà intginas passaschas or da la moziun: I duai vegnir fatg ina differenza tranter art engulà ed art ch'è vegnì vendì a pretschs memia bass, perquai che lur possesurs u possesuras eran en ina situaziun precara. Jon Pult vuleva evitar quai. Uss ha il Cussegl dals chantuns anc ina giada dad votar.
Schebain i dovra er ina cumissiun per bains culturals dad auters contexts culturals duai il Cussegl federal examinar.