Siglir tar il cuntegn
cuntegn

Svizra NATO expulsescha diplomats russ

Era la NATO reagescha sin l'attatga da tissi en Gronda Britannia cun expulsar collavuraturs russ.

Purtret da Jens Stoltenberg, secretari general da la NATO.
Legenda: Jens Stoltenberg, secretari general ha annunzià che 7 collavuraturs russ ston ir. Keystone

Entant reagescha er la NATO sin l'attatga cun tissi en la Gronda Britannia cun expulsar diplomats russ. Il secretari general, Jens Stoltenberg ha annunzià che l'allianza haja retratg l'accreditaziun da 7 collavuraturs russ. Trais ulteriuras dumondas sajan vegnidas refusadas.

L'allianza militara haja plinavant decis da sminuir la delegaziun russa da 30 sin 20 persunas. Quai saja in cler messadi a la Russia ch'in cumportament betg acceptabel e privlus haja consequenzas.

Ier avevan gia numerus pajais dal vest chatschà or dal pajais 140 diplomats russ.

RR novitads 18:00