La Federaziun svizra da pestga vul cun sia elecziun accentuà ch'il spazi da viver dal pesch che vegn da s’adattar il meglier en Svizra è periclità. La federaziun numna «7 putgas mortals» che fan che la litgiva è en privel da svanir: Auals e flums surbajegiads, il diever e la polluziun da l'aua, malsognas, però er la protecziun memia gronda dals utschels che maglian peschs, ma er la midada dal clima cun aua memia chauda u insumma nagin’aua en ils flums ed auals.
La Federaziun svizra da pestga crititgescha era ch'ins haja repopulà auas cun la litgiva atlantica. Quella saja ina concurrenza da las spezias localas. La Svizra enconuscha tschintg sorts principalas da litgivas; en il Grischun per exempel viva la litgiva da la Donau.
Ord l'archiv
RR novitads 10:00