Siglir tar il cuntegn
cuntegn

Svizra Nagut da nov auter ch’in nov urari

Il Cussegl federal stauscha la decisiun per la via cun l'Uniun europeica sin l'atun, quai ha el communitgà suenter pliras discussiuns en chaussa.

Didier Burkhalter
Legenda: Didier Burkhalter, minister da l'exteriur. Keystone

Dapi passa trais onns vegn uss gia contractà sur d'ina cunvegna da basa che duai reglar da nov la relaziun tranter la Svizra e l'Uniun europeica. In dals puncts da stgarpitsch è che Brüssel vul che la Svizra sa suttamettia al tribunal da l'UE. Il Cussegl federal vul dentant restar tar ils mecanissems da fin qua.

Il minister da l’exteriur Didier Burkhalter ha accentuà che la Svizra veglia reglar las relaziuns sin la via bilaterala da fin qua. Sur d'in mecanissem co reglar dispitas stoppia anc vegnir discutà ha ditg Burkhalter.

RR novitads 17:00