Siglir tar il cuntegn

Header

Navigaziun

Maschina da furar dasper ina baracca d'in plazzal da construcziun.
Legenda: La Nagra vul far sondagis per magasinar rument radioactiv. Keystone
cuntegn

Svizra Nagra prepara il terren per il deposit da ruments radioactivs

Uss èsi enconuschent nua che la Nagra, la societad naziunala per il deposit da ruments radioactivs, vul far sondagis per eventuals ruments radioactivs.

La Societad naziunala per il deposit da ruments radioactivs Nagra ha inoltrà las dumondas per pudair far sondagis per eventuals ruments radioactivs en las regiuns Giura ost enturn il Bözberg e Turitg nordost en il Weinland. Per ils dus lieus pussaivels per magasinar rument radioactiv en la profunditad ha la Nagra inoltrà mintgamai 8 dumondas a l'Uffizi federal d'energia.

Ils permis arrivan probablamain l'onn 2018

Enfin che las maschinas da furar cumenzan a lavurar cuzza però anc. Sco che la Nagra ha scrit en ina communicaziun a las medias quinta ella d'avair ils permis il pli baud l'onn 2018.

La Nagra orientescha oz a Remingen en il chantun dad Argovia ed a Marthalen en il chantun da Turitg nua ch'ils sondagis pudessan vegnir fatgs e pertge ch'ella ha selecziunà quels dus lieus.

RR novitads 11:00