Siglir tar il cuntegn

Header

cuntegn

Svizra Nagins privilegis per interpresas da l'exteriur

Tenor il Cussegl naziunal na duain interpresas svizras betg pli vegnir disfavurisadas tar la taglia sin la plivalur. L'entira svieuta duai vegnir resguardada e betg mo pli quella che vegn fatga en Svizra. Quai duai purtar a la Confederaziun 40 milliuns francs ad onn.

Tar las calculaziuns da taglia duai da nov vegnir resguardà l'entira svieuta e betg mo pli quella che vegn fatga en Svizra. Grazia a la nova reglamentaziun fissan radund 30'000 interpresas da l'exteriur suttamessas a la taglia.Uschia culassan ulteriurs 40 milliuns francs en la cassa da la Confederaziun. Ultra da quai duai questa midada stgaffir 38 novas plazzas da lavur.

Questa regulaziun pertutga er ils commerciants online. Empustaziuns via internet ord l'exteriur pudessan uschia daventar pli charas.

Quai è l'avis dal Cussegl naziunal. Sco proxim tracta il Cussegl dals chantuns la fatschenta.

RR novitads 16:00

Artitgels legids il pli savens