Siglir tar il cuntegn
cuntegn

Svizra Nagins novs dschihadists

Dapi l'entschatta da quest onn n'ha il servetsch secret svizzer registrà nagins novs dschihadists. Quai è vegnì enconuschent a la preschentaziun dal rapport annual. Il plafond saja eventualmain cuntanschì. 12 d'els sajan turnads en Svizra. En tut ils cas hajan ins instradà ina procedura penala.

purtret da Markus Seiler
Legenda: Markus Seiler, il schef dal servetsch secret preschenta il rapport annual. Keystone

En total ha il servetsch secret sin il radar 400 dschihadists potenzials. El observa en spezial lur activitads en las raits socialas. En il focus restan dentant ils viagiants dal dschihad. Fin ussa ha il servetsch secret regsitrà 73 viadis. Dapi l'entschatta da l'onn n'èn dentant nagins novs vegnids vitiers. Quai ha ditg il schef dal servetsch Markus Seiler.
La rimnada da datas da la milissa terroristica Stadi islamic - ch'è vegnida en la publicitad il mars - n'hajan purtà naginas novas enconuschientschas. Ella cuntegnevi 6 nums ch'erian dentant gia enconuschent al servetsch da spiunadi. Plinavant ha Seiler ditg che la Svizra na saja nagina mira primara da las organisaziuns terroristicas. Tuttina saja da restar attent.

RR novitads 12:00