Levgiament per empustaders da rauba
Fin ussa han ins stuì pajar per controllas da pachets da l'exteriur 13 francs. Suenter ina cunvegna cun il survegliader da pretschs stritga La Posta Svizra per 2018 las taxas per questas controllas. Blers clients n'eran betg cuntent da stuair pajar quests 13 francs per controllas tenor princip da la casualitad. Els sa sentivan tractads arbitrar.
Damain categorias da paisa
Tar ils pachets a l'intern dal pajais datti en avegnir trais enstagl da tschintg categorias da paisa.Il pretsch per pachets da fin dus kilos resta tar set francs. Questa categoria fa ora 85 pertschient dals pachets spedids. Pachets fin tschintg kilos custan il proxim onn 9,70 francs empè da 9 francs. Enstagl vegnan pachets fin 10 kilos 30 raps pli bun martgà e custan era 9,70 francs.
Rabats per clients online
Rabats datti sch'il client creescha sez online la «etichetta da pachets intern». I dat reducziuns da 50 raps fin 3 francs. Da nov datti puspè per pachets a l'intern dal pajais la prestaziun supplementara «Fragile». Per spediziuns rumpaivlas garantescha la posta tar in cas da donn u perdita d'in pachet fin maximal 5'000 francs.
RR novitads 12:00