Naginas novas reglas per las bancas svizras

Il Cussegl naziunal refusa ina nova obligaziun da diligenza per las bancas.

Bandiera svizra ed il num Credit Suisse.

Legenda da maletgs: Il Cussegl naziunal na sustegna betg ina revisiun da la lescha davart il lavar daners suspectus. Keystone

Cunter las propostas dal Cussegl federal, d’avair reglas pli severas per daners betg stads suttaposts a la taglia, è ina maioritad burgaisa stada. Ella è suandada a sia cumissiun economica.

La maioritad el Cussegl naziunal ha argumentà, ch’ina lescha nova sminueschia la cumpetitivitad da las bancas svizras. La ministra da finanzas Eveline Widmer-Schlumpf ha argumentà adumbatten, che schizunt l’Associaziun da las bancas svizras sustegnia la lescha.

La fatschenta va uss al Cussegl dals chantuns. N’entra quel betg en la fatschenta, alura è quella giud maisa.

RR Novitads 10:00