Siglir tar il cuntegn

Header

Cabels d'ina rait digitala
Legenda: Il Cussegl federal na vul betg franar l’economia digitala cun regulaziuns fatgas a la bahautscha. Keystone
cuntegn

Svizra Naginas novas reglas per l’economia digitala

Il Cussegl federal vul fular via per l’economia digitala. Enstagl da proteger ils models d’affars usitads favurisescha el la deregulaziun. En tut vesa il Cussegl federal las leschas vertentas sco suffizientas per las midadas actualas.

Gia ozendi saja ina terza da la creschientscha economica en l’Europa dictada da la digitalisaziun. Quai ha il minister d’economia Johann Schneider-Ammann ditg cun preschentar a Berna il rapport davart l’economia en vista a la digitalisaziun.

Dentant la digitalisaziun da l’economia portia era ristgs. Uschia saja da quintar cun ina sperdita da plazzas da lavur pervi da l’automatisaziun, u servetschs sco Uber ed Airbnb che pericliteschan las branschas tradiziunalas sco ils taxis u ils hotels.

L’uschè numnada Sharing Economy vesa il Cussegl federal cunzunt sco ina schanza, ha cusseglier federal Johann Schneider-Ammann ditg. Uschia vegnian las resursas nizzegiadas pli effizientas ed i dettia ina sauna concurrenza.

RR novitads 16:00