Siglir tar il cuntegn
cuntegn

Svizra Naginas mesiras encunter «Food Waste»

Il parlament na vul betg fixar finamiras liantas per reducir il sfarlattar vivonda. Suenter il Cussegl dals chantuns ha er il Cussegl naziunal refusà ina iniziativa dal chantun Soloturn. Quel leva mesiras liantas.

Mangiativas en il rument.
Legenda: En Svizra sa tschentan mintg'onn radund dus milliuns tonnas mangiativas en il rument u van a perder. Keystone

Radund in terz da tut las mangiativas che vegnan producidas en Svizra van a perder tranter la racolta ed il plat u vegn sfarlattà, ha il chantun constatà. Quai correspundia a radund dus milliuns tonnas mangiativas mintg’onn.

La maioritad da la chombra gronda è stada da l’avis che l’iniziativa na saja betg necessaria. La Confederaziun saja gia s’engaschada en l’agenda 2030 per in svilup persistent, ch’i vegnia reducì las vanzadiras da mangiativas.

RR novitads 21:00