Siglir tar il cuntegn
cuntegn

Svizra Naginas limitas maximalas e nagins contingents

Il parlament federal ha approvà la lescha per realisar l'iniziativa d'immigraziun da massa. La lescha nova na prevesa naginas limitas maximalas e nagins contingents.

La fracziun da la PPS ha demonstrà sunter la votaziun finala en il Cussegl naziunal.
Legenda: La fracziun da la PPS ha demonstrà sunter la votaziun finala en il Cussegl naziunal. Keystone

Suenter il Cussegl dals chantuns ha uss er il Cussegl naziunal approvà la lescha en la votaziun finala cun 98 cunter 67 vuschs tar 33 abstenziuns. La Partida populara svizra è malcuntenta e lascha avert tuttas opziuns, er ina visada da la libra circulaziun da persunas, ha declerà il schef da fracziun da la PPS Adrian Amstutz avant la votaziun finala. La partida populara na vul dentant betg far il referendum cunter la decisiun.

Visar libra circulaziun da persunas

L'Acziun per ina Svizra independenta e neutrala (AUNS) ha annunzià ch'els veglian lantschar ina iniziativa per visa la libra circulaziun da persunas.

Reagì positiv sin la decisiun dal parlament svizzer ha la cumissiun da l'Uniun europeica.

RR novitads 10:00